Nyheter fra Regionene

(H): Sykkelfest på Geilo eitt døgn til endes

Kilde: Hallingdølen Av: Torbjørn Gunhildgard

Sosial profil: Geilo24 er både for mosjonistar og elitesyklistar. Her er Kristian Ødegård t.v.og Michael Andreassen som sykla opå "Kjendislaget" i fjor.

Ein treng ikkje sykle heile døgnet. Ein kan ta ein runde eller to, reise heim eller gå i butikken, og koma tilbake. 
Det seier Nina Gässler, initiativtakar til sykkelrittet Geilo24.

Fyrste helga i juli er det klart for Norges einaste 24-timarsritt på sykkel. Då arrangerer sykkelgruppa i Geilo idrettslag Geilo24 for fjerde gong.

Geilohallen base
Basen for rittet er flytta frå Vestlia til idrettshallen. Der blir det matservering i mattelt døgnet rundt, og skiskyttararenaen blir campinglass. Der kan tilreisande deltakarar slappe av i telt eller campingvogn mellom slaga.

Men konkurranseforma er den same. Den går ut på å sykle flest turar rundt Ustedalsfjorden i løpet av eit døgn. Dei yngste syklar halve døgnet og gir seg ved midnatt.

Ein sykle åleine eller på lag. Til no er det påmeldt 25 firemannslag. Blant dei er Håvard Bøkko og Christoffer Fagerli Rukke som stiller saman med to lagkameratar. Me håpar minst 300 totalt, seier Gässler.

Sosialt og fleksibelt
Nina Gässler, som sjølv er toppsyklist og leiar norgescupen i terrengsykling, understrekar at Geilo24 er for heile spekteret frå mosjonistar, trimmarar til elitesyklistar. Ein treng ikkje sykle heile døgnet, det er opp til kvar enkelt. Men to rundar er minstekravet.

Ein kan sykle eit par rundar, gå heim eller på jobb og koma tilbake og sykle vidare. Rittet har stor fleksibilitet, høg sosial profil med speakertenest heile døgnet.
I tillegg til premiering av dei beste i lagkonkurransen og individuelt blir det sett opp ein bedriftspokal. Den går til den bedrifta som har flest rundar totalt rundt Ustedalsfjorden, uavhengig av kor mange syklistar som deltek.

Me oppmodar flest mogeleg om å bli med på ein sykkelfest på Geilo, seier Nina Gässler