Nyheter fra Regionene

(V): Gamle og nye Hanna i fri dans

blank_page

Kilde: Valdresen

For få dagar sidan møttest dei to profesjonelle dansarane i Oslo for å utveksle dans og rørsler i høve friluftsteateret Sol av Isfolket.

Klar: Kristine Mari Hansen (t.v.) tek over for Silje Onstad Hålien i rolla som Hanna.

Silje Onstad Hålien spelte i fjor den gamle heksa Hanna, og fekk strålande kritikkar for tolkinga si. Spenstig dans, godt skodespel og akrobatiske øvingar høyrer til rolla, som viste seg å bli ein av dei verkeleg berande karakterane i teateret.
Silje har ikkje høve til å delta i årets framsyning av Sol av Isfolket, men etter ein hard audition er arvtakaren funne. Kristine Mari Hansen frå Narvik gler seg til å gå inn i rollen og gjera den til sin. I helga møttest dei to unge dansarane og utveksla dansesteg. Kristine Mari skal no lære seg å trø i springartakt og ta luftige hopp i hallingtakt. Sol av Isfolket har sterke element av folkemusikk og folkedans i seg, i likheit med dei fleste produksjonar av regissør Leif Stinnerbom.
Silje er ein god læremeister her. Ved sida av klassisk ballett og moderne dans, er Silje durkdreven folkedansar. Ho er også med i dansekompaniet Frikar under leiing av Hallgrim Hansegård.
Kristine Mari Hansen tek utfordringa på strak arm og gler seg til å kombinere dei ulike danseteknikkane. Ho trur også at ho, med sitt nordnorske temperament, har noko å tilføre den gamle heksa.
Frå 17. juli startar øvingane i Valdres for alle profesjonelle utøvarar og alle amatørar. Dei profesjonelle skodespelarane er i år Heidi Ruud Ellingsen, Paul-Ottar Haga, Evy Kasseth Røsten, Rune Temte og Kyrre Hellum. Fem profesjonelle musikarar står også på scenen i lag med 35 amatørar, og altså, Kristine Mari Hansen.
Sol av Isfolket har premiere laurdag 1. august og skal spelast fram til 10. august.