Nyheter fra Regionene

La ned Reinli skule og Hedalen ungdomsskule

Kilde: Valdresen Av: Bjørn Karsrud

Kommunestyret i Sør-Aurdal har torsdag kveld, etter ein debatt på fire og ein halv time, vedteke å overføre elevane ved Reinli skule og ungdomstrinnet ved Hedalen barne- og ungdomsskole til Bagn.

Stemte mot: Representantane frå Hedalen stemte mot overføring av Hedalens ungdomstrinn til Bagn. Ved dei tre ungdomsskuletrinna i Hedalen er det i dag 27 elevar.

Eit mindretal på åtte representantar, hovudsakleg frå Hedalen, stemte imot forslaget om å overflytte Hedalens ungdomstrinn til Sør-Aurdal ungdomsskole (SAUS) i Bagn. Marianne Haldis Jensen (Ap) frå Reinli var einaste representant som stemte mot overflyttinga av 1. - 7- klasse frå Reinli til Bagn.
Rådmannen hadde før møtet lagt fram eit forslag som innebar overføring av barneskulane både i Reinli og Begnadalen til Bagn. I dette forslaget låg det også inne at Bagn barneskole og SAUS kunne ha felles administrasjon og at SAUS og ungdomstrinnet i Hedalen skule ha felles planlegging. I forslaget låg det ikkje inne at Hedalens ungdomstrinn skulle overførast til Bagn.
Men i kommunestyret la ordførar Kåre Helland (Sp) overraskande fram eit alternativt forslag som inneber at Begnadalen skoles 1. - 7. klasse skal bestå fram til det ligg føre ei heilskapleg løysing for den ytre delen av kommunen, mens Reinli skule og Hedalens ungdomstrinn skal overførast til Bagn barneskule og SAUS frå hausten 2010 .
Bagn barnehage og Bortigarn barnehage skal leggjast til Reinli barnehage frå hausten 2010 og blir dermed barnehage for den øvre delen av kommunen.
Av vedtaket går det elles fram at barnetrinnet, klasse 1-7 i Hedalen, skal bestå og at barnehagane i Hedalen og Begnadalen skal halde fram som før.