Nyheter fra Regionene

Nei til Islandsmoen minikraftverk

Kilde: Valdresen Av: Marit Beate Kasin

NVE seier nei til bygging av Islandsmoen minikraftverk i Sør-Aurdal kommune. NVE meiner fordelane ved bygging av kraftverket ikkje veg opp for skadar og ulemper som påførast allmenne interesser.

Koparvike Kraft AS ved Nils Arne Bergsund har fått nei fra NVE til nytt kraftverk.

Koparvike Kraft AS ved Nils Arne Bergsund har søkt om løyve til å bygge Islandsmoen minikraftverk i Sør-Aurdal kommune. Kraftverket ville nytta eit fall på 80 meter over ei strekning på 850 meter i Islandselvi ved Islandsmoen. Kraftverket var planlagt med ein installert effekt på 265 kW og ein årleg produksjon på om lag 1 gigawattime, noko som svarar til straumbruken til rundt 50 husstandar. Det var i søknaden foreslått å sleppe ei minstevassføring på 12 l/s heile året.

- Islandselvi renn i ei austvendt bekkekløft, Islandsjuvet, som er vurdert som nasjonalt viktig med 19 kjende rødlisteartar, der 10 ligg på utbyggingsstrekninga. Bekkekløfta har stor planteøkologisk variasjon og topografien er til dels av dramatisk karakter. Tiltaket er særleg konfliktfullt i høve til naturtypen bekkekløft med tilhørande fuktkrevjande lavarter. Sett i høve til den avgrensa produksjonen tiltaket ville gjeve, meiner NVE at dei negative konsekvensane er urimeleg store, opplyser NVE ved seksjonssjef Øystein Grundt.

NVE syns ikkje at dei føreslegne avbøtande tiltaka er tilstrekkelege, og kravet i vassressurslova § 25 er då ikkje oppfylt. På denne bakgrunn er søknaden avslått.